لو عايز تعرف يعني ايه ثورة اتفرج على المصريين أجمل و أقوى ثورة في العالم هيا الثورة الوحيدة اللي قامت و لسه المصريين بيضربوا هيا الثورة الوحيدة اللي قامت و شهدائها أهاليهم بيتسحلوا في الأرض و المصابين بيموتوا علشان مبيتعالجوش و ألش السنين لما تلاقي كل مسئولين مصر بيقولوا نحن مع الثورة قلبا و قالبا و مقلوبا.
الناس تروح التحرير يقولوا سلمية و يضربوا و يضربوا و الحياة زي الفل و البلد الوحيدة اللي لسه الثوار بيقنعوا فيها الشعب ان الثورة ديه حاجة حلوة و ان هي أحلى من البسبوسة و ان الشباب اللي ابتدوا الثورة و قاموا بيها بيفسوا عجلة الانتاج و هيخربوا البلد علشان لما الشرطة بتضربهم بيدافعوا عن نفسهم.
و لأول مرة و حصريا في مصر سواء في ثورة أو مفيش تلاقي واحد متهم في 30 أو 40 قضية قتل بيروح المحكمة يحضر المحاكمة و يروح يكمل شغله عادي و متسجنش و لا شاف لسه السجن و تلاقي فئة من الناس تقولهم في ثوار بيضربوا يقلك الانتخابات أولا تقولوا يا باشا على عيني و على رأسي بس مفيش أمن تلاقي الابتسامة زادت و يقلك الانتخابات أولا تقولوا و ربنا هنعمل الانتخابات الأول بس فيه مصابين عايزين نعالجهم يقلك الانتخابات أولا.
بس أنا متفائل الناس ديه هتاخد شوية أحكام مبارك و العادلي ان شاء الله هياخدوا اعدام من الضحك ( و ديه عن طريق الزغزغزة لحد ما تجيلوا سكتة قلبية) لأن قضائنا عادل و هيفضل طول عمره عادل عموما علشان خلاص جالي الضغط.
للأسف مضطر أقلش ألش التلتينات و اقول انها ثورة زيرو :D :D
ليست هناك تعليقات:
إرسال تعليق