استبوخت التمثلية
واحد مرمي على السرير و التاني واقف و الناس رمية
أفتح كل شوية المحاكمة
ملاقيش غير شوية سلامات و مجاملة
أقول أتفرج رئيسها مش راضي
... خلاها حاجة خاصة و حصري
لسه ماشية بواسطة و كوسة زي ما شوفتها من صغري
دم شهداء شكله هيروح هدر الا بستر ربي
داخلية لسه بتضرب و بتسحل كأنه مسلسل هابط على التليفزيون الأرضي
ما هو الاعلام مفرقش و لا حتى التعليم حاله يرضي
قمنا بثورة مسكها فلول افتكرناهم ماضي
ناس اتصابت و ناس ماتت و شكلها هتبقى على الفاضي
زهقنا من مظاهرات و اعتصامات
لكن هطالب بحقي مهما كان شفت انه مات
و ناس تشوفنا تقلنا خربتوا البيت
و احنا همنا على البلد يا نايم شئت أم أبيت
شبابها هيفضل رافع ايده لحد ما تبقى جنة
شبابها هيفضل ناسي نفسه لحد ما أرضها تبقى خضرا
ليست هناك تعليقات:
إرسال تعليق